سكتنا له

رغم تعاطفى الشديد مع اخواننا واخواتنا الفلسطينين الا انى استنكرت جدا واقعة محاولة احتلالنا ايوة محاولة احتلالنا كاننا اقرب حل لقضيتهم ويبعدوا عن قلق الاحتلال لكن ليه فكروا بالطريقة دى هل يا ترى ثورة جياع زى ما بيقولوا ولا هم اداة لمخطط اسرائيلى زى ما حللها السياسيون ولا مجرد سقطة او ذلة من كبت الاحتلال دفعهم للتصرف بعنف مع اقرب جارة ليها؛متهيالى طول عمرنا بنقف معاهم
ولو طلبوا المعونة بشكل مختلف مكناش مانعنا كنت طايرة من السعادة لما سمعت انهم دخلوا العريش عشان ياخدوا احتياجتهم لكن اللى سمعته بعد كده اذهلنى هل اللى داخل ياخد اغذية وادوية واشياء تساعده على المعيشة تحت حصار الاحتلال محتاج انه يمسك سلاح ويرهب اصحاب البيت اللى استقبلوه وحاولوا يكرموهم متهيالى ده كتير وليه يعملوا فينا كده متهيالى مصر فيها اكبر نسبة من الفلسطينين المغتربين وعايشين وسطنا كانهم مصريين وغيرهم من الجنسيات التانية ولا هيا المسالة سكتنا له دخل باسلحته وبلدزوراته