وما زال مسلسل الموت مستمرا

ليه شبابنا بيفضل الموت وهو بيحاول يسافر ولا انه يعيش فى بلده؟

متهيالى ده سؤال لازم كلنا نفكر فيه خصوصا بعد ما زادت جدا حوادث

الشباب اللى بيفقدوا ارواحهم اثناء الهجرة الغير شرعية ومازال حلم السفر

بيغرى كل شاب انه يعمل المستحيل عشان يهرب من واقع مر عايشه فى بلده

يا ترى احنا السبب فى ان اولادنا شايفين الدنيا هنا سودا والاحلام الوردية فى

السفر ولا واقع مجتمعنا الاليم اللى احبط كل الشباب ...طيب الولد او الشاب اللى

مات مؤخرا على عجلات طائرة متجهة لفرنسا ده لسه مخلصشى دراسته يعنى لسه

لم يصطدم بالواقع الاليم اللى بيعيشه كل الشباب لما ينتهوا من دراستهم ويفضلوا

يدوروا على شغل بلا فائدة ويشتغلوا فى غير تخصصه...المهم مين السبب فى ده

احنا بسخطنا على الحياةولا مجتمعنا اللى اتغير ولا حكومتنا اللى بتدفع شبابنا للهرب

ولو بالموت ولا يعيشوا هنا...احداث مؤلمة وحوادث اكثر ايلاما لكن فى النهاية مفروض

نعمل ايه عشان نحافظ على ولادنا من الموت قهر او الموت هروب متهيالى انا هافضل

فاكرة صور الشباب دول اللى ماتوا فى البحر واللى ماتوا فى الجو واحضن ولادى

واتمنى انهم لما يكبروا ميوصلش بيهم الحال للدرجة دى انهم يغامروا بحياتهم عشان فرصة

افضل فى الحياة وربنا يرحم شبابنا اللى عايشين واللى فى ذمة الله

المؤامرة

احزننى جدا ما شاهدته فى الاخبار من موقف بلد عريق مثل بلد الازهر
بلد مسلم ولم يكن من المتوقع ابدا ابدا حدوث موقف مثل هذا الموقف
المشين مع الحجاج الفلسطينيين وكاننا نعلن للعالم اننا كلاب اسرائيل
وامريكا ليحركوا مصر بكلمة لترهب الحجاج الامنين ولما سمحنا لهم
بالخروج من معبر رفح من البداية لما اصبحنا جزء من مؤامرة يهودية
امريكية ، محاولة مساومة على قوميتنا وحتى على اسلامنا ، هل الثمن
يستحق سحق اخوتنا فى الاسلام والعروبة حسبى الله ونعم الوكيل
كيف رضينا بهذه المهانة لابناء المسلمين الا نذكر قول الله تعالى فى
سورة المائدة<يا ايها الذين امنوا لا تتخذوا اليهود والنصارى اولياء بعضهم اولياء بعض ومن يتولهم منكم فانه منهم ان الله لا يهدى القوم الكافرين> وقوله تعالى فى سورة غافر < وكان علينا حقا نصر المسلمين
صدق الله العظيم